Ministri i Financave, Avdullah Hoti, ka bërë thirrje kompanive të mos largohen nga Kosova duke bërë thirrje që për çdo parregullsi të lajmërojnë institucionet shtetërore. Ai ka thënë se nuk do të lejojnë që asnjë zyrtar apo institucion publik të prish imazhin e Kosovë para investitorëve. Investitorët do të mbrohen nga Qeveria e Kosovës Qeveria do të mbështesë investitorët dhe do të parandalojë ikjen e tyre nga Kosova. Rasti i kompanive ‘3CIS’ dhe ‘BELI-EURO FOL’ do të analizohet në javën që vjen nga një komision i zyrtarëve ligjor ndër-ministrorë. Do të ofrohen të gjitha kushtet e nevojshme që këto dy kompani, dhe të tjera si këto, të qëndrojnë në Kosovë. Kemi nevojë shumë për investimet e tyre dhe rritjen e punësimit për të parandaluar ikjen e të rinjve jashtë vendit.
Unë ftoj të gjitha kompanitë që të raportojnë çfarëdo rasti të paqartësive që kanë me Administratën Tatimore ose me Doganat e Kosovës. Nuk do të lejojmë asnjë zyrtarë, në cilindo institucion publik, të prishë imazhin e Kosovës para investitorëve dhe t’i bëjë ata të ikin nga Kosova.
