Partitë politike holandeze vazhdojnë të përjashtojnë mundësinë e bashkëpunimit me Partinë e Lirisë të ekstremit të djathtë, megjithëse ajo pritet të zërë vendin e dytë në zgjedhjet e së mërkurës.
Gjatë një debati mes kryeministrit Mark Rutte dhe udhëheqësit të ekstremit të djathtë Geert Wilders, zoti Rutte përsëriti se ai nuk do të bashkëpunojë me Partinë e Lirisë, njofton VoA.
Partia e kryeministrit nuk është e vetmja që deklaron publikisht se nuk do të hyjë kurrë në koalicion me udhëheqësin e së djathtës ekstreme.
Zoti Wilders e ka cilësuar përjashtimin e partisë së tij nga koalicionet parazgjedhore si jodemokratik, por tha se nuk beson se kryeministri do ta mbajë pramtimin.
