Historianët e Deçanit: Murat Meha ka devijuar rrugën kombëtare
Kryesia e Lidhjes se Historianëve të Kosovës “Ali Hadri” dega në Deçan, u ka bërë thirrje qytetarëve që të marrin pjesë në protestën e sotme në Pejë.
Në një njoftim për media, kryesia e LHK “Ali Hadri”, dega në Deçan, kanë përsëritur qëndrimin se shënimi i vijës kufitare me Malin e Zi është gabim.
“Kryesia e LHK ‘Ali Hadri’ dega në Deçan, vlerëson se Komisioni shtetërore i kryesuar nga Murat Meha, kanë bërë gabime të mëdha në shënimin e vijës kufitare, kur dihet se ata kanë realizuar apetitet shekullore të Malit të Zi, për të kontrolluar territorin e Rrafshit të Dukagjinit, nëpërmjet vendosje në periferi të Qytetit të Pejës. Kryesia e LHK ‘Ali Hadri’ dega në Deçan, vlerëson se Murat Meha si nip i Emin Latit, ka devijuar nga rruga kombëtare dhe si i tillë ai duhet të jepe dorëheqje nga drejtimi i Komisionit dhe të kërkoj falje për gabimet e bëra dhe në të njëjtën kohë bashkë me të duhet të shkoj edhe anëtarët e tjerë të Komisionit shtetëror për shënimin e vijës kufitare në mes të Kosovës dhe Malit të Zi”, thuhet në njoftim.
Lexo edheShëndetësia publike në kaos, mungojnë edhe barnat e emergjencës
Sipas tyre, në Komision Shtetëror ka njerëz që janë jokompetent për të qenë aty.
“Ne, vlerësojmë se Kosova është duke humbur territor dhe si proces i tillë ky proces duhet të ndalet dhe të mos realizohet. Nuk na duhen integrimet euro-atlantike, me humbje të territorit, sepse Kosova ka humbur territor edhe me Maqedoninë, tash me Malin e Zi, dhe nesër sa do të humbim territor me Serbinë”, thuhet në njoftim. /Telegrafi/
