Njollat e vajit janë ndër më të vështirat për t’u pastruar, pavarësisht faktit nëse janë në rroba, në parket, mbi divan ose në dysheme. Njollat mbi dysheme janë edhe më të bezdisshmet.
Zakonisht zgjedhim t’i pastrojmë duke përdorur detergjent, por jo gjithmonë ky truk është efikas dhe në të shumtën e rasteve duhet të kalojnë disa ditë në mënyrë që njolla të zhduket plotësisht. Por është edhe një mënyrë tjetër që përdoret për t’i larguar njolla të tilla, soda e bukës do ju vijë në ndihmë.
Ja si duhet të procedoni :
• Fillimisht lagni me ujë zonën ku është derdhur vaji, kjo do të bëjë që vaji të ngrihet sipër.
• Mbulojeni të gjithë zonën e njollosur me sodë buke derisa njolla e vajit të mos duket.
• Vendosni pak ujë për të valuar, ndërkohë edhe soda do të kryejë punën e saj mbi njollën e vajit.
• Pasi uji ka vluar, hidhni pak mbi sodë, mjaftueshëm sa për të bërë një formë paste, pjesën tjetër të ujit të nxehtë ruajeni për të shpëlarë vendin.
• Pasi keni hedhur ujin e nxehtë mbi njollë, fërkojeni vendin me një furçë plastike por të fortë. Kujdes mos përdorni furça metalike pasi ato dëmtojnë shumë dyshemetë.
• Njolla do të zhduket menjëherë, kurse ju mund të përdorni pjesën e mbetur të ujit të nxehtë për të larë vendin ku ishte njolla.
