Pas një sëmundjeje të rëndë mbrëmjen e së shtunës, ka ndërruar jetë Hilmi Haradinaj, babai i kryeministrit Ramush Haradinaj.
Njoftimin për vdekjen e tij e ka bërë vet kryeministri i Kosovës përmes një postimi në faqen zyrtare në Facebook.
Haradinaj ka bërë të ditur se varrimi i të ndjerit do të bëhet të hënën (18 qershor) në Gllogjan.
Ndërsa sot është publikuar agjenda e plotë e ceremonisë mortore të Haradinajt.
Sipas agjendës, homazhet do të fillojnë nga ora 11:00 në kullën e Haradinajve në Gllogjan shkruan Gazeta Blic.
Ndërsa varrimi do të bëhet nga ora 14:00 me nderime shtetërore e ushtarake.
Agjenda e varrimit të Hilmi (Nurë) Haradinaj
——————————————–
E hënë 18 qershor
——————-
Ora 11:00 deri 12:30 Homazhet pranë Kullës në Gllogjan të Deçanit!
Ora 13:00 Ceremonia mortore (Tubimi i hapur komemorativ- mbrapa kullës së dëshmorëve).
Ora 14:00 Cerremonia e Varrimit do të bëhet me nderime shtetrore e ushtarak
Kryeministrin Haradinaj e kanë ngushëlluar liderë vendor e të huaj për humbjen e babait i cili Kosovës i dha tre djem./GazetaBlic/
