Kryetari i Aleancës për Ardhmërinë e Kosovës, Ramush Haradinaj ka ururar të gjithë besimtarët musliman për festën e Fitër Bajramit.
Pas vizitës që ka bërë në Bashkësinë Islame të Kosovës, ku u prit nga myftiu Naim Tërnava, Haradinaj bëri thirrje që të qëndrojnë bashkë sa më shumë dhe të jenë sa më solidarë me qytetarët.
“Të dashur qytetarë të Kosovës, bashkëkombës shqiptarë kudo që jeni, edhe fizikisht me kolegët e Aleancës kisha nderin të jem në selinë e Bashkësisë Islame të Kosovës, t’i drejtohem Myftiut zotit Tërnava edhe të gjithë të pranishmëve me urimet më të mira për të gëzuar festën e Fitër Bajramit me përkushtim ashtu siç e ka karakterizuar edhe muajin e shenjtë të Ramazanit. Me unitet pra që të jemi bashkë, po edhe solidaritetin që t’i gjendemi njëri-tjetrit. Sa më bashkë, sa më solidarë është mirë për të gjithë neve. Myfti, faleminderit për krejt angazhimin dhe për punën që bëni. Gëzuar edhe një herë, gëzuar shumë”, tha Haradinaj para mediave.
