Kryeministri i vendit, Ramush Haradinaj ka kërkuar ndërprerjen e procedurave të projektit për ndërtimin e hidrocentralit në Lumbardh.
Pas protestës së qytetarëve në Pejë dhe shqetësimeve legjitime të ngritura në takim nga përfaqësuesit e komunitetit rugovas rreth këtij projekti, Haradinaj tha se ka kërkuar nga Ministria përkatëse që të ndërpres të gjitha procedurat e mëtejshme, transmeton Indeksonline.
Hardinaj theksoi se projektet, të cilat bien ndesh me interesat e banorëve të zonës së Rugovës, asnjëherë nuk do të kalojnë.
Postimi i plotë:
Pas protestës së qytetarëve në Pejë dhe shqetësimeve legjitime të ngritura në takim nga përfaqësuesit e komunitetit rugovas rreth projektit të ndërtimit të hidrocentraleve në Lumbardh, nga Ministria e linjës kam kërkuar ndërprerjen e menjëhershme të procedurave të mëtejme deri në krijimin e një pasqyre të qartë dhe të gjithanshme për shkallën e impaktit të këtij projekti në mjedis. Projektet, të cilat bien ndesh me interesat e banorëve të zones së Rugovës, asnjëherë nuk do të kalojnë.
RH
