Kryeministri Ramush Haradinaj ka reaguar pas aksidentit të rëndë me një autobus që ndodhi në një vend afër Pejës, ku dhjetëra persona u lënduan dhe u dërguan në Spitalin e Pejës, transmeton Gazeta Metro.
Haradinaj ka thënë që për këtë rast ka angazhuar zv.ministrin e Shëndetësisë, Ali Berisha, i cili e ka informuar kryeministrin që asnjë nga të lënduarit nuk është në rrezik për jetë.
Më poshtë postimi i plotë i Kryeministrit.
Me vëmendje po i përcjellë të gjitha zhvillimet në Spitalin Rajonal të Pejës ku po trajtohen personat e lënduar pas aksidentit të autobusit në Dedesh të këtij qyteti.
Me të marrë vesh për rastin menjëherë kam dërguar zëvendësministrin e shëndetsisë z. Ali Berisha, i cili me informoi se janë 24 persona të lënduar që po marrin trajtim dhe për fat asnjë nga ta nuk janë në rrezik jete.
Falenderoj personelin e Spitalit Rajonal të Pejës për reagimin e shpejtë dhe profesional për tu dalë në ndihmë të aksidetuarve.
