Paga e kryeministrit të Kosovës, Ramush Haradinaj është ndër pagat me të mëdha në vend. Por kjo nuk e pegnon atë që të ‘vjelë’ nga buxheti i shtetit edhe disa euro nga pensioni invalidor.
Agron Demi, analist në Institutin GAP, në një postim në profilin e tij në Facebook, ka shkruar se kryeministri Ramush Haradinaj vazhdon të merr pension invalidor përkundër të hyrave familjare vjetore prej 227 mijë euro.
“Kryeministri Ramush Haradinaj, përkundër asaj se ka te ardhura familjare vjetore prej 227 mijë eurosh, prapë se prapë vazhdon të marr edhe 225 euro në muaj si pension invalidor. Nëse Kryeministri merr pension social edhe ka mundësi me i kry pushimet ne St.Morritz, përse mos me marr krejt këta në këtë listë, e cila është publiku dje nga MPMS?! Krejt Kosova pensionera (ata që mbesin pa emigru në vendet tjera)”, shkruan Demi.
Kujtojmë se Qeveria e Kosovës më 20 dhjetor ka marr vendim për rritjen e pagave për kryeministrin, zëvendëskryeministrat, ministrat, dhe pjesës tjetër të kabinetit qeveritar.
