Kryeministri në detyrë, Ramush Haradinaj ka kujtuar sot Xhevë e Fehmi Lladrovcin dhe bashkëluftëtarët e tyre, në përvjetorin e rënies heroike.
Haradinaj ka thënë se kishte fatin që t’i njihte edhe personalisht dëshmorët, të cilët u bënë krah i fortë lëvizjes për liri e pavarësi.
“Të lindur për luftë, Xhevë e Fehmi Lladrovci, të cilët kisha fatin edhe t’i njoh nga afër, ishin çdoherë në radhën e parë të sulmit, duke iu bënë krah i fortë lëvizjes për liri e pavarësi. Në këtë përvjetor, përulem me nderim para veprës së tyre heroike. Kujtoj bashkëluftëtarët e tyre, Shefqet Zeka e Fatime Hetemi, dhe të gjithë dëshmorët e Brigadës 114, që me krenari mbajti emrin e Fehmi Lladrovcit. Ata do të jenë gjithmonë udhërrëfyesit tonë në rrugën për ndërtimin e shtetit. Lavdi e përjetshme”, ka shkruar Haradinaj.
