Deputeti i Aleancës për Ardhmërinë e Kosovës, Daut Haradinaj, ka reaguar ashpër ndaj heshtjes së kryeministrit në detyrë, Albin Kurti, përballë deklaratave skandaloze që janë dëgjuar së fundmi në Maqedoninë e Veriut.
Përmes një postimi në ‘Facebook’, Haradinaj ka shkruar se “ndryshimi” që e solli Albin Kurti në Maqedoni të Veriut po ju bën të fala me klithmat shurdhuese dhe ai nuk thotë asnjë fjalë, raporton IndeksOnline.
““Ndryshimi” që e solli Albin Kurti në Maqedoni të Veriut po ju bën të fala me klithmat shurdhuese:
“Dhoma gazi për shqiptarët”.
“Shqiptari i mirë është vetëm shqiptari i vdekur
“Maqedoni e pastër (pa shqiptarë)”.
“Shqiptarët e mallkuar ta dijnë se emri Maqedoni nuk zhduket””, ka shkruar Haradinaj.
Sipas tij, këto thirrje përbëjnë një kërcënim serioz për shqiptarët në Maqedoni të Veriut, dhe mungesa e një reagimi nga Albin Kurti – të cilin Haradinaj e quan “kumbara i koalicionit qeverisës atje” – është e papranueshme. /IndeksOnline/
