Kryeministri i Republikës së Kosovës, Ramush Haradinaj, së bashku me presidentin e Kosovës, Hashim Thaçin dhe zyrtarë të tjerë institucionalë, kanë bërë sot homazhe te Monumenti i të Pagjeturve në nderim të tyre, me rastin e 27 Prillit, Ditës së të Pagjeturve.
Ndërkaq, po sot, kryeministri Haradinaj do të merr pjesë në Tubimin Përkujtimor për shënimin e Ditës së të Pagjeturve të Kosovës, që mbahet në Mejë të Gjakovës.
Ky shënim përkujtimor është organizuar nën përkujdesjen e Kryeministrit të Republikës së Kosovës Ramush Haradinaj, Komisionit Qeveritar për Persona të Zhdukur në bashkëpunim me Komunën e Gjakovës, Shoqatën ’27 Prilli 1999 – Mejë’, Këshillin Koordinues të Asociacioneve Familjare të të Zhdukurve të Kosovës dhe organizatat tjera vendore e ndërkombëtare.
