Lidhur me vazhdimin e mandatit te EULEX-it kanë komentuar edhe kryetari i AAK-së, Ramush Haradinaj dhe kryetari i NISMA-s, Fatmir e Limaj.
Që të dy kanë ndarë mendimin se EULEX-i në Kosovë është i nevojshëm pasi që institucionet e Kosovës kanë dështuar që të vendosin rend dhe ligj.
“Unë nuk di si e kanë rinegociuar, por që është i nevojshëm për të ndihmuar. Vetë gjendja që është ne vend po tregon se në çfarë situate jemi”, ka thënë Limaj.
Edhe Haradinaj tha se vazhdimi i misionit të EULEX-it në Kosovë vjen si pasojë e dështimit të institucioneve të drejtësisë në Kosovë.
“Nuk ka ardhë si mision i përhershëm. Mandati i tij ka qenë çdoherë i rinegociueshëm. Para një kohe qëllimi ka qenë me përmbyll, tani është një qëndrim ndryshe – vazhdimi për këtë mandat – kuptohet me kufizime shtesë. Mirëpo e tëra kjo vjen nga dështimi i institucioneve të Kosovës për rend dhe ligj”, tha i pari i AAK-së.
Haradinaj e Limaj kanë qëndruar në Panairin e Librit në Prishtinë.
