Edhe pse gjithçka virtuale, ato luajnë rol shumë të rëndësishëm në promovimin e vetës dhe të biznesit, gjithashtu një varg i madh punësh kryhen brenda tyre, transmeton lajmi.net
Secili nga ne, çdo ditë përdorë Facebook, Instagram, Twitter, Snapchat dhe rrjete të tjera sociale.
Por, së fundmi është krijuar një rrjet social vetëm për shqiptarë, nga disa djem të rinj nga Kosova.
“Fol Shqip”, quhet aplikacioni i cili brenda vetës ka një rrjet social me shumë mundësi, pothuajse si të gjitha rrjetet sociale.
Krijimi i këtij aplikacioni me rrjet social ka për qëllim mbledhjen në një vend vetëm të përdoruesve shqiptarë, shkëmbimin e ideve, të bëjë më të lehtë komunikimin dhe njohjen mes vete e gjithashtu promovimin më të lehtë të gjërave.
Aplikacioni për momentin është i qasshëm vetëm për përdoruesit e smartfonëve me sistem operativ android, së shpejti pritet të lëshohet edhe për përdoruesit e iOS.
