Ish drejtori i AKI-së dhe eksperti i sigurisë, Burim Ramadani ka komentuar tërheqjen e kërkesës në Gjykatë Kushtetuese nga presidentja e vendit, Vjosa Osmanit.
Këtë ai e ka parë si “hap gjigant drejt kolapsit”, shkruan lajmi.net.
- “Amullia – që mund të shkaktohet edhe si pasojë e tërheqjes së parashtresës – është kërcënim direkt i Sigurisë Kombëtare!
- Tek e fundit, Presidentja vet në konferencë tha se “shumë çështje mund të mbesin në paqartësi”!
- Atëherë, a s’po e kuptoni që kjo “paqartësi” e çon Kosovën në Kolaps”, ka shkruar Ramadani.
Ai ka thënë se pavarësisht nëse ajo çka tha sot Osmani është e saktë apo jo, sipas tij thelbi është tek thellimi me hapa të mëdhenj në mosbesimin në institucione.
“Kosova po futet në kolaps institucional e politik, ndërsa nga pranvera e ardhshme mund të arrij edhe kolapsit financiar. Këtë po e mbushin çdo ditë e më shumë krerët e shtetit, që fuqishëm dëshmojnë mosbesim në institucione të drejtësisë, në ekonominë e tregut të lirë dhe në gjithçka tjetër. Veç kujtoheni se Kryeministri refuzon të paraqitet në Prokurori dhe Presidentja refuzon ta dekretojë Kryeprokurorin tash e sa vjet. Prandaj, edhe këtë përformancë patriotike të sotme e shoh si pjesë e mendësisë që çon Kosovën drejt kolapsit”, ka thënë Ramadani. /Lajmi.net/
Postimi i plotë i Ramadanit në Facebook:
