Gjatë ditës së sotme një dron ka rënë në lagjen Bair të Mitrovicës.
Kryetari i kësaj komune Bedri Hamza ka thënë se në bazë të informatave që ai ka, rrëzimi i këtij droni nuk ka shkaktuar ndonjë dëm. Megjithatë ai thotë se me këtë rast po merren organet kompetente.
“Në bazë të informatave që kam nuk ka shkaktuar ndonjë dëm. Organet kompetente po merren me rastin. Besoj ato do të sqarojnë gjithçka për opinionin publik”, ka thënë Hamza për Indeksonline.Policia e Kosovës është në vend të ngjarjes dhe deri tash nuk ka dhënë ndonjë detaj për këtë çështje.
