Dje rreth orës 18:30, Policia e Kosovës është njoftuar se në Mitrovicë hajnat kanë tentuar të hyjnë në një shtëpi të një personi i cili jeton në perëndim, raporton Gazeta Express.
Rastin e ka raportuar në polici motra e personit që jeton në perëndim.
“Ankuesja femër K-Shqiptare ka raportuar se persona të panjohur kanë dëmtuar derën e shtëpisë dhe kanë tentuar që të vjedhin në shtëpinë e cila është pronë e vëllait të saj i cili jeton në perëndim”, shkruhet në raport.
Për rastin nuk është arrestuar ende ndonjë person, ndërkaq, policia po vazhdon hetimet.
