Një grua është gjetur e vdekur në fshatin Besi të Prishtinës sot rreth orës 20:00, pasi dyshohet të ketë marrë plagë nga arma e zjarrit, ka njoftuar Policia e Kosovës.
Zëdhënësja e Policisë së Kosovës për Rajonin e Prishtinës, Flora Ahmeti, ka deklaruar se vdekjen e gruas e ka konfirmuar një ekip mjekësor i Qendrës Klinike Universitare.
“Sot rreth orës 20:00, kemi pranuar informatën se ekipi mjekësor i QKUK-së, ka konstatuar vdekjen e një personi (femër). Viktima sipas të dhënave fillestare, dyshohet se kishte marrë plagë nga arma e zjarrit”, ka deklaruar Ahmeti.
Ajo është shprehur se hetuesit policor kanë nisur punën e tyre për hetimin e rastit.
Mësohet se viktima është e moshës 22 vjeçare, por motivet dhe rrjedha e rastit akoma nuk dihen.
- Advertisement -
