Humbi unazën e martesës teksa lahej në detin e Sarandës, por arriti ta kishte sërish në dorë.
Ka ndodhur me një grua të re nga Drenasi, e cila mundi të kishte prapë në gisht simbolin e martesës, pasi një person e gjeti unazën në Sarandë.
Express, shkruan se gjithcka ndodhi pas një lajmi të publikuar prej saj, “Kërkohet personi nga Kosova që e humbi unazën e martesës në plazhet e Sarandës”.
Artikulli i publikuar ishte kërkesë e personit që e gjeti një unazë të fejesës ose e martesës në plazhet e Sarandës.
E veçanta e kësaj ngjarje është se unaza është gjetur nën ujë nga një person që e pa atë derisa po notonte (me syze deti), nën ujë, thuhet në email e dërguar në redaksinë e Gazetës Express nga një qytetare e Kosovës.
Sot Gazeta Express është njoftuar se pas publikimit të këtij artikulli është gjetur pronarja e unazës, çifti ishte nga komuna e Drenasit.
Nga detajet e unazës është vërtetuar se unaza i takon çiftit me emrin Fitore dhe Labinot nga komuna e Drenasit. “Fitoren dhe Labinotin i kam taku sot.
Labinoti si dëshmi e solli unazën e tij krejtësisht të njëjtë (në të cilën figuronte emri i Fitores)”, thuhet në emailin që ka arritur në redaksinë e Express’it.
