Pabarazitë thotë se e kanë lodhur.
Andaj, 33 vjeçarja nga Gjilani me aftësi të kufizuara, që deshi të mos i zbulohet identiteti, ka një kërkesë të vetme.
Kjo do një vend pune që t’i mbulojë shpenzimet e barnave, të cilat i përdor për ta trajtuar sëmundjen e epilepsisë.
Ajo tash ka regjistruar edhe studimet, por punën e ka të domosdoshme.
Me kontratë për 6 muaj, kjo punoi në Qendrën për Punë Sociale derisa thotë se nuk e ka mbështetjen as të Handikosit në këtë qytet pasi sipas saj e përjashtuan nga Bordi i Shoqatës, për shkak se kjo deshi që në një ekskursion të marr nënën që të kujdeset për të.
Këtë siç tha ajo, nuk e lejoi kryetari.
Kryetarit i Handikos-it në Gjilan, Fatmir Shurdhani i tha televizionit përmes telefonit se vajza nuk ka qenë asnjëherë pjesë e bordit, veç anëtare. Teksa për vizitën jashtë Kosovës tha se, të rriturit nuk kanë pasur të drejtë të marrin shoqërues vetëm ata më të vegjël se 14 vjeç.
