Gruaja lind foshnjën në momentin e shpërthimit në Bejrut, bashkëshorti i saj filmon gjithçka

Që prej ditës së martë kur ndodhi shpërthimi gjigant në portin e Bejrutit, qindra foto dhe video janë shpërndarë nga mediat sociale.

Nga pamjet e shpërndara shihen momentet e ndryshme, si e kanë përjetuar njerëz të ndryshëm shpërthimin.

Një video e publikuar nga CNN, tregon momentin kur një grua shtatzënë ndodhej në spital për të lindur fëmijën e saj.

Emanuela ndodhej në Spitalin e Shën Gjergjit gati për të lindur ndërkohë që bashkëshorti i saj e filmonte.

Sapo filloi shpërthimi, fëmija lindi dhe ky moment u kap nga telefoni i babait.