Biznesmeni dhe kandidati për deputet, Shahin Dervishaj me numër 77 nga radhët e PDK-së, po vazhdon të marrë përkrahje të madhe nga qytetarët, kësaj radhe nga gratë drenicase në Skenderaj, të cilat dëshmuan edhe një herë forcën, kurajon dhe rolin e pazëvendësueshëm që kanë në shoqërinë tonë, shkruan Drenica Press.
Gratë e Drenicës janë simbol i qëndresës dhe frymëzimit. Gjatë luftës, ato nuk qëndruan në prapavijë, por u bënë shtylla që mbajtën gjallë jetën dhe shpresën. Me lot të fshehur, me zemër të fortë dhe guxim të pashoq, ato ruajtën familjet dhe mbajtën ndezur zjarrin e lirisë. Kur armët flisnin, gratë vepronin; kur frika trokiste, ato qëndronin.
Sakrifica e grave gjatë luftës mbetet një faqe e shenjtë e historisë sonë kombëtare – një borxh që nuk shlyhet kurrë, por nderohet përjetësisht.
Në takimin e sotëm me gratë e Skenderajt, u reflektua qartë energjia pozitive dhe gatishmëria për të vazhduar rrugën përpara, me besim dhe bashkim. Përkrahja e tyre për Shahin Dervishajn u shpreh si dëshmi e respektit dhe besimit në vizionin e tij.
Bashkë për gratë. Bashkë përpara.
