Gjykata Themelore e Prishtinës e ka caktuar masën e paraburgimit prej një muaiji për të dyshuarin në rastin e 2 milionëshit të Thesarit.
I dyshuari me incialet L.G, dyshohet për vepren ” Keqpërdorimi i Pozitës apo Autoritetit Zyrtar”.
“Të pandehurit L.G i është caktuar masa e paraburgimit në kohëzgjatje prej një muaji duke filluar prej datës 21 tetor 2020 gjerë me datë 20 nëntor 2020”.
“Të pandehurit L.G i është caktuar masa e paraburgimit, pasi që i njëjti mund të arratiset me qëllim të shmangies nga përgjegjësia penale dhe në këtë mënyrë do të jetë i paarritshëm për organet e drejtësisë, mund të pengon rrjedhjen e procedurës penale duke ndikuar në dëshmitar dhe bashkëpjesëmarrës tjerë, andaj caktimi i masës së paraburgimit për të pandehurin L.G është masë adekuate për sigurimin e pranisë së tij në procedurë penale”.
Labinot Gruda, dyshohet se me datë 09 tetor 2020 në cilësinë e personit zyrtar ka keqpërdorur detyrën e tij zyrtare duke realizuar transaksione në vlerë prej 2 milionë 77 mijë e 995.90 euro në adresë të një kompanie, me të cilat veprime i ka shkaktuar dëm buxhetit të Republikës së Kosovës në shumë prej 2 milionë e 77 mijë e 995.90 euro dhe me këtë dyshohet se ka kryer veprën penale Keqpërdorimi i Pozitës apo Autoritetit Zyrtar.
