Nënkryetari i AAK-së, Ardian Gjini ka pritur në takim delegacionin slloven, që përbëhej nga Përfaqësuesi Special i Sllovenisë për Ballkanin Perëndimor, Anzej Franges, ambasadori i Sllovenisë në Kosovë Borut Blaj dhe Shefja e Departamentit për Zgjrim dhe Evropën Juglindore në Ministrinë e Punëve të Jashtme dhe Evropiane të Republikës së Sllovenisë, Eliska Kersnic Zmavc.
Në takim u diskutua për zhvillimet aktuale politike në Kosovë dhe rajon, sfidat me të cilat përballet vendi, si dhe për marrëdhëniet dypalëshe ndërmjet Kosovës dhe Sllovenisë.
“Nënkryetari Gjini vlerësoi lart përkrahjen e vazhdueshme dhe të pakursyer të Republikës së Sllovenisë për Kosovën, veçanërisht në proceset integruese dhe në forcimin e subjektivitetit ndërkombëtar”, ka shkruar AAK. /Lajmi.net/
