Për renovimin e Kullave të Jasharëve, në vitin 2018 ishin ndarë 6 milionë euro
Profesionistë nga Ministria e Kulturës kanë nisur ta vlerësojnë gjendjen e kullave për të ndërhyrë në sanimin e tyre.
Topat dhe predhat serbe goditën çdo cep të tyre.
Kullat ku Familja Jashari jetoi për vite e aty ranë anëtarë të saj, u rezituan bombardimeve por pësuan dëmtime të mëdha ndër vite.
Se ato mund të rrezikojnë të shemben shumë shpejt, shihen në të gjitha anët e tyre.
Xhevat Imeri, i cili tash e 21 vite është ciceron tek ky kompleks, thotë se dëshira e gjithë atyre që vijnë, është të hynë brenda por se kjo është e pamundur.
Pavarësisht kësaj, kullat që i japin domethënien e madhe vetë Prekazit Historik, vazhdimisht kanë vizitorë.
Por, kjo pamje që këta të fundit po shohin, i mërzit shumë ata.
Sidoqoftë, tani atyre u kanë mbetur pak shpresa tek Qeveria e re, e cila tashmë ka themeluar Komitetin Ndërministror për përzgjedhjen e projektit për këtë kompleks.
E i njëjti, madje udhëhiqet nga vetë kryeministri Albin Kurti.
Me shumë emocion historinë e familjes Jashari e dëgjoi edhe kjo vizitore nga Suedia.
E njëjta ka ca fjalë për këtë familje.
Pak kohë për të vizituar këtë kompleks, ndau edhe mërgimtari Afrim Spahiu.
Profesionistë nga Ministria e Kulturës kanë nisur ta vlerësojnë gjendjen e kullave, dhe Qeveria tanimë ka shprehur gatishmërinë e plotë për të ndërhyrë në sanimin e këtyre strukturave.
Për renovimin e Kullave të Jasharëve, në vitin 2018 ishin ndarë 6 milionë euro.
