Një person është arrestuar më 3 prill në Gjakovë nën dyshimin për posedim të substancave narkotike, njofton Policia e Kosovës.
Rasti ka ndodhur rreth orës 12:30 në rrugën “Megzun Boshnjaku”, ku gjatë kontrollit të automjetit të tij, i dyshuari mashkull kosovar është kapur duke mbajtur një sasi marihuane me peshë 5.413 gramë, transmeton lajmi.net.
Përveç drogës, si provë materiale janë sekuestruar edhe automjeti me targa të Shqipërisë dhe dy telefona celularë që ndodheshin në pronësi të tij.
Me vendim të prokurorit, i dyshuari është dërguar në mbajtje dhe rasti po vazhdon të hetohet nga autoritetet kompetente.
Raporti i plotë:
POSEDIM I SUBSTANCAVE NARKOTIKE
Rr. Megzun Boshnjaku, Gjakovë 03.04.2026 – 12:30. Është arrestuar i dyshuari mashkull kosovar, pasi që gjatë kontrollit në automjetin e tij, janë gjetur dhe konfiskuar një sasi me substancë narkotike marihuanë me peshë 5413 gramë. Si provë materiale është sekuestruar automjeti me targa të Shqipërisë dhe dy telefona. Me vendim të prokurorit i dyshuari është dërguar në mbajtje./lajmi.net/
