Në kuadër të vazhdimit të bashkëpunimit me komunën, Organizata gjermane GIZ, i ka dhuruar Komunës së Mitrovicës 850 shporta plastike për mbeturina, me të cilat, sipas Drejtorisë së Infrastrukturës, do të bëhet zgjerimi i mbulimit të hapësirave me shporta edhe në zonat rurale të komunës.
Drejtori i Infrastrukturës, Blerim Baruti, tha se organizata GIZ ka sjell në kompaninë e menaxhimit të mbeturinave “Uniteti”, 850 shporta plastike me kapacitet 120 litra, të cilat do të vendosen në ekonomitë familjare në lokalitetet, Kçiq i Madh dhe Kçiq i Vogël.
“I jemi mirënjohës dhe falënderojmë GIZ-in për këtë donacion. Shpresojmë që bashkëpunimi i deritashëm të vazhdoj dhe të zgjerohet edhe më shumë në të ardhmen”, theksoj Baruti.
Përfaqësuesit e GIZ-it, Arbnora Malaj dhe Fatmir Pireva, thanë se shpresojnë që ky donacion do të ndihmoj në krijimin e kushteve më të mira për ruajtjen e mjedisit dhe krijimin e kushteve për një jetë më të mirë për qytetarët e Mitrovicës.
Shportat plastike janë i janë dorëzua Kompanisë “Uniteti”, prej nga pritet që në ditët në vijim të vendosen në ekonomitë familjare, ashtu siç edhe është marrë vesh më parë kjo kompani me banorët e këtyre lokaliteteve.
