Ish deputeti i Lidhjes Demokratike të Kosovës Gani Geci së fundmi ka shprehur haptazi pakënaqësitë e tij ndaj disa anëtarëve të Kryesisë së LDK-së.
Madje në postimin e tij në Facebook, duke folur në emër edhe të dy vëllezërve të tij thotë se që të tretë së fundmi i kanë mësuar dëshirat e disa prej anëtarëve të LDK-së.
“Ne Vëllezërit Geci tash se fundmi i kemi mësuar dëshirat e disa anëtarëve të Kryesisë së LDK-ës e ato ishin: Që ne Vëllezërit Geci të luftojmë me Ramush Haradinajn dhe AAK-në, me Kadri Veselin dhe PDK –në, me Albin Kurtin dhe Vetëvendosjen, me Hashim Thaçin e me Rexhep Selimin dhe me Behgjet Pacollin e AKR -në. E tani me ardh në pushtet Isa Mistqfa, Ismet Beqiri , Agim Veliu, Naser Osmani e Armend Zemaj. E ne vëllezërve Geci kur të vin këta në pushtet me na qu ne Dyzë. E jo ma s’ka ma ashtu” është shprehur Geci.
Ish deputeti i LDK-së madje kërcënon se nga tash e tutje sikurse të lartëpërmendurit bënë koalicione për interesa të ngushte, edhe ata do ta bëjnë të njëjtën për interesa familjare.
