Policia e Kosovës ka përdorur gaz lotsjellës për shpërndarjen e protestuesve, të cilët po pengojnë deputetët e Kuvendit të largohen nga objekti.
Në mesin e deputetëve që janë prekur nga gazi lotsjellës është edhe deputetja e Vetëvendosjes, Edona Llalloshi, e cila është parë në gjendje jo të mirë në oborrin e Kuvendit.
Hedhja e gazit lotsjellës ka ndikuar edhe te deputetë të tjerë, të cilët ishin bërë gati të largoheshin nga objekti i Kuvendit.
Llalloshi është parë e shoqëruar nga deputetja tjetër e Vetëvendosjes, Shqipe Mehmeti-Selimi, e cila në një moment është parë duke folur në telefon. /IndeksOnline/
