Zv.ministri i Zhvillimit Ekonomik dhe anëtari i PDK-së, Gani Koci i ka reaguar ashpër shkrimtarit Jusuf Buxhovi, i cili tha se Kosova nuk ka bërë luftë pastër. Koci i është kundërpërgjigjur këtij duke i thënë se UÇK-ja është dashur t’i spastrojë mbeturinat si ti, trasnmeton Gazeta Metro.
Koci ka shkruar se para se të gjykohet pastëria e luftës së UÇK-së nga Buxhovi, duhet të përgjigjet për vrasjen e Jusuf e Bardhosh Gërvallës e Kadri Zekës e për arrestimin e grupit të Hysen Gegës.
“Para së të gjykonte për pastërtinë e luftës së UÇK-së, Jusuf Buxhovi duhet të përgjigjet për vrasjën e Jusuf e Bardhosh Gërvalles dhe Kadri Zekës, dhe arrestimin e grupit të Hysen Gegës me dëshmitë e të cilit ky grup ishte dënuar me dhjetra vjet! Vërtetë lufta e UÇK-së, është dashur të spastroj të gjitha mbeturinat e sojit të buxhovëve!”, ka shkruar Koci.
Kujtojmë që Buxhovi tha se UÇK’ja nuk ishte e pastër sepse janë vrarë mbi 100 zyrtarë të LDK’së
“UÇK’ja nuk ka qenë e pastër. Ka qenë e drejtë, por ka pasur shumë gjëra të këqija. Janë vrarë mbi 100 zyrtarë të LDK’së”, ka thënë Buxhovi në Rubikon./gazetametro.net
