Dështimi i Galaxy Note 7 e ka mbajtur Samsung të zënë kohëve të fundit. Rreth 0.1 për qind e pajisjeve kanë marrë flakë dhe kjo e ka shtyer kompaninë koreane të zëvendësoj 2.5 milionë njësitë e shitura.
Sfida për Samsung është duke vazhduar, megjithatë, kompania është duke punuar shumë për të zgjidhur problemin sa më shpejtë, raporton TechSot.Al.
Edhe pse ishte përfolur se Note 7 do të vazhdojë të shitet prej tetorit, raportet e reja bëjnë të ditur se pajisja e fundit e Samsung do të kthehet në raftet e shitoreve në fund të shtatorit.
Se kur saktësisht do të rikthehet Note 7 në shitje varet prej tregut në të cilin ndodheni.
Mirëpo, telefoni do të rifillojë të shitet në tregun fillestar, atë të Koresë jugore, më 28 shtator.
- Advertisement -
