Futbollisti legjendar i kombëtares gjermane, Lucar Podolski që tashmë luan në Japoni pas eksperiencave tek Bajerni, Arsenali dhe Gallatasaraj, tani i është futur rrugës së biznesit.
Pas hapjes së një lokali akulloresh vitin e kaluar në Këln, Podolski kësaj here ka vendosur t’i futet dhe biznesit të qepabëve.
Sipas zëdhësit të tij, në ceremoninë e hapjes ishin të pranishëm rreth 1 mijë fansa të tij, të cilët u “shqepën” duke ngrënë produktin e ri të futbollistit.
Në ditën e parë ka qenë vetë ish-kampioni i botës që u ka shërbyer fansave duke i përgatitur me duart e tij.
Thuhet se 32-vjeçari gjerman, është i dashuruar me kuzhinën turke, veçanërisht qepabët, ku gjatë dy viteve që luajti me Gallatën i shijonte thuajse çdo ditë.
- Advertisement -
