Ndeshja e U-21-shave mes Greqisë dhe Shqipërisë ishte shumë e tensionuar.
Silvester Shkalla u ndëshkua me karton të kuq në ndeshjen me Greqinë, teksa arbitri pretendoi se mbrojtësi shtyu lojtarin grek në momentin që u dha penalltia, por mbrojtësi i Teutës jo vetëm e mohon gjithçka, por zbulon se kundërshtari edhe e ka pështyrë.
“Kishte tension, siç ndodh në çdo ndeshje. Janë nerva loje, por di të them se nuk e kam shtyrë kundërshtarin. Ai mëpështyu dhe simuloi shumë bukur.
Kishim shpresat tona për të ruajtur rezultatin, por na penalizoi arbitri. Jemi ekip i vogël dhe gjëra të tilla ndodhin”, është shprehur Shkalla ne “Panorama Sport”.
