Futbollisti i njohur nga Drenica afër transferimit te Ferizaji (FOTO)

Ferizaj ngadalë ka nisur të kompletohet për edicionin e ri në Superligën e Kosovës në futboll.

Pas telasheve që kishte në organizim ku nuk dihej qartë trajneri dhe sponsorët e klubeve, tashmë gjithçka është sqaruar.

Pas ardhjes së trajnerit Bekim Isufit, klubi ka nisur edhe të përforcohet, derisa burime të Zërit kanë mësuar se sot Ferizaj do të nënshkruaj kontratë me mesfushorin Taulant Dajaku.

“Sot pas orës 5 do të nënshkruhet kontrata me Taulantin”, i ka thënë një burim Zërit.