Një shqiptar është vrarë dhe një tjetër është plagosur me armë zjarri në Francë. Ngjarja ka ndodhur në zonën e Merz-Tessy mbrëmjen e së shtunës, por lajmi është bërë publik sot nga mediat vendase.
Sipas shtypit francez, në spitalin e Annecy u dërguan dy shqiptarë të plagosur me armë zjarri. Njëri prej tyre ndërroi jetë disa minuta më vonë pavarësisht përpjekjeve të mjekëve. Më pas në spital u dërgua edhe një shqiptar i dytë i plagosur me armë.
Në xhepat e dy shqiptarëve policia gjeti shuma të mëdha parash. Identiteti i shqiptarit të vrarë dhe atij të plagosur nuk është bërë me dije. Autoritetet kanë nisur hetimet në lidhje me këtë ngjarje. Dyshohet se sherri me armë ka ndodhur për shkak të trafikut të drogës mes bandave rivale, ku të përfshirë janë edhe shqiptarë. /Blitz.al/
- Advertisement -
