Formula lajmëroi bashkëpunimin më të ri me Snap Inc, kompaninë pas aplikacionit të njohur Snapchat.
Marrëveshja do të sigurojë mbulim të garave të Formula 1 në platformën editoriale të Snapchat, Discover, dhe hyn në fuqi nga çmimi i madh i Silverstone në Britani këtë fundjavë.
Ekzekutivët e Formula dhe Snapchat thanë se transmetimi i përmbajtjeve do të bëhet përmes seksionit Our Stories.
Pas Silverstone, marrëveshja përfshin edhe garat e Singaporit, Japonisë, SHBA-ve, Brazilit dhe Abu Dhabit.
Blerja e Formulës 1 nga Amerikanët e Liberty Media duket se ka ndryshuar shumë gjëra në vizionin e kampionatit më të ndjekur në botë të garave me makina.
“Ky është vetëm hapi ynë i parë drejt zgjerimit të strategjisë sonë të medias sociale,” tha ekzekutivi i F1 Frank Arthofer. /PCWorld Albanian
