Formacionet zyrtare, Drita – Inter Escaldes: Kampioni i Kosovës 180 minuta larg historisë

Drita është gati për sfidën ndaj Inter Escaldes në kuadër të ‘play-off’-it të Ligës së Konferencës. Ndeshja në stadiumin e kampionit të Kosovës nis nga ora 20:00.

Pak para fillimit të takimit, trajneri Ardian Nuhiu ka bërë publike 11-shen startuese, duke zgjedhur skemën 4-4-2.

Në formacionin bazë ka vend për Blerim Krasniqin, i cili pritet të udhëheqë repartin ofensiv. Besnik Krasniqi do të veprojë në krahun e djathtë, ndërsa William Beaten dhe Vesel Limaj do të formojnë dyshen e mesfushës.

Në vijën e mbrojtjes, Hajdin Salihu është ndër lojtarët që kanë fituar besimin e Nuhiut për të startuar nga minuta e parë.