Kosova mbrëmë nisi në mënyrë perfekte rrugëtimin në “Nations League”.
“Dardanët”, mposhtën Irlandën me rezultat 1-0 në Prishtinë, pas golit të Vedat Muriqit në 10 minutat e fundit të ndeshjes.
Gjatë ditës së sotme, trajneri Franco Foda mbajti stërvitjen e parë parapërgatitëse për ndeshjen e së dielës ndaj Austrisë, ku ftoi 16 lojtarët.
Ndërsa 11-shja e djeshme u lanë të pushonin, ku filluan të mbajnë seancën e rikuperimit në hotelin ku po qëndrojnë ata.
Kujtojmë se ndeshja Austri-Kosovë, do të zhvillohet të dielën në “Ernst Happel” të Vjenës, në orën 18:00./IndeksOnline/
