Me përfundimin e festave të fundvitit, bashkatdhetarët kanë nisur sërish rrugën drejt mërgimit.
Sipas të dhënave të Qendrës Kombëtare për Menaxhim Kufitar, në pikën kufitare në Merdarë, pritjet për dalje nga Kosova arrijnë deri në rreth një orë e gjysmë.
Gjendje e ngjashme raportohet edhe në pikën kufitare në Jarinjë, ku pritjet zgjasin deri në 50 minuta.
Ndërkohë, në pikat e tjera kufitare, pritjet variojnë nga 5 deri në 15 minuta.
Ky përditësim është bërë në orën 13:13.
