Kandidati i LDK-së për deputet, Florian Dushi, ka thënë se besimi në LDK-në po rritet cdo ditë dhe të dielen do të votohet për ndryshim.
Dushi në një postim në Facebook, ka thënë se tubimet e LDK-së në Llap, Obiliq, dhe Fushë Kosovë dëshmuan se LDK është e vetmja shpresë për Kosovën.
Lexojeni të plotë postimin e Florian Dushit:
Sheshi “Ali Ajeti”, sot dukej i vogël për numrin e madh të pjesëmarrësve në tubimin e organizuar nga Lidhja Demokratike e Kosovës në Podujevë dhe Kryetari Agim Veliu. Llapi dëshmoi edhe kësaj rradhe se është Shtëpi e LDK-së nga themelimi e deri më sot, me mbështetje masive e fitore të një pas njëshme në zgjedhje lokale e qendrore.
Obiliqi, na mirëpriti për të sjellë erën e ndryshimit edhe në këtë qytet që do e përfshijë gjithë Kosovën me 6 Tetor. Entuziazmi i të gjitha gjeneratave në këtë tubim të Degës së LDK-së në Obiliq, na shtyen të besojmë se edhe kjo komunë do i bashkohet rezultatit plebishitar në nivel të Kosovës.
Kryetari Burim Berisha dhe Dega e LDK-së në Fushë Kosovë, në ambient të hapur na nderuan me organizim të shelqyeshëm të tubimit, duke konfirmuar BESIMIN e tyre në programin e LDK-së, përmes masovitetit dhe përkrahjes së qytetarëve të kësaj komune. Puna e vazhdueshme e Kryetarit dhe strukturave të LDK-së në Fushë Kosovë, do shpërblehet me votë qytetare me 6 Tetor.
Pas tubimeve të njëpasnjëshme, sonte në Kodrën e Trimave, Dega e Parë në Prishtinë në tubimin e mbajtur në Shkollën “Zenel Hajdini”, përmbylli në mënyrën më të mirë ditën e sotme me numër shumë të madh të mbështetësve tonë në këtë organizim. BESIMI i qytetarëve të Prishtinës në LDK, është shenj se ndryshimi në nivel të Kosovës do konfirmohet të Dielën me 6 Tetor.
#LDK134
#VjosaOsmaniKryeministre
#FlorianDushi19
#Podujeva, #Obiliqi, #FushëKosova, #KodraeTrimave
