Ansi Agolli ka pritur pak ditë për t’u prononcuar në lidhje me ndeshjen e fundit, që kombëtarja shqiptare e humbi në “Elbasan Arena”, ndaj një rivali direkt, sikurse është Izraeli, në Grupin G kualifikues të “Rusia 2018”. Përmes një statusi në Facebook, kapiteni i kuqezinjve del në mbrojtje të tifozëve të kombëtares, duke akuzuar policinë se me masat e saj ekstreme shkeli të drejtat e tyre, të njeriut. Ai ka një thirrje për ta rishikuar vendimin e bojkotimit të ndeshjeve të kombëtares, kur të luajë në shtëpi, duke i konsideruar tifozët të mrekullueshëm, se aid he shokët e tij luajnë futboll për ata:
“Zakonisht jam i heshtur pas lojërave të kombëtares, sidomos pas humbjeve, pasi mendoj se duhet të ketë reflektim. Sigurisht që asnjë nga ne në fushë, stafi e shikuesit nuk janë të kënaqur me rezultatin e ndeshjes së fundit. Jemi të vetëdijshëm që ka nevojë për punë, nga të gjithë ne, dhe jam i sigurtë që do të punojmë, që të bëjmë paraqitje më të mira në ndeshjet e radhës. Por, sikur të mos mjaftonte humbja, situata jashtë fushës së lojës, trajtimi i tifozëve tanë ka lënë një shije të hidhur për ne si lojtarë. Në ndeshjen e fundit u morën masa ekstreme sigurie dhe u krijua një tension i tepruar, çka e vështirësoi jetën dhe lojën për të gjithë ne. Duket i pakuptimtë trajtimi i ashpër i tifozëve tanë./telesport.al
