Gazmend Hoti është një djal i ri por me një mision të madh. Ai është imam i xhamisë në fshatin Runik.
Ditët e fundit të këtij viti që po lëmë krijuan një histori interesante për imamin Hoti. Ai kishte disa muaj që po bëhej gati për datën e 24 dhjetorit. Ai në këtë ditë kishte planifikuar që të mbronte tezen e masterit ne Universitetin AAB me titull: “Konflikti Izrael – Palestinë dhe çështja e Jerusalemit”.
Por kur ishte duke u bërë gati për fazën finale të këtij qëllimi madhor, ai mori një lajm të hidhur, se xhamisë së tij iu kishte vënë flaka!
Imami Gazmend Hoti me ndihmen e zjarrfiksëve shuajti zjarrin në xhaminë e tij në natën e 21 dhjetorit. Kurse tre ditë më vonë ai mbron me sukses tezën e msaterit në Prishtinë, kurse sot u ka bërë thirrje të gjithë banorëve të fshatit dhe besimtarëve musliman që të dalin te xhamia e fshatit për ta pastruar dhe bërë gatin për falje!
Imami Hoti ka dhënë një intervist për Drenica Press, duke treguar për lajmin që mori për djegien e xhamisë, dëmet që janë shkaktuar, dorasin e zjarrëvënies si dhe riparimin e xhamisë.
DrenicaPress: Si e morët vesh për djegien e xhamisë?
Gazmend Hoti: Në ora 21:15 kam pranu nje telefonat nga Policia e Kosovës dhe jam njoftu se dikush ka vënë zjarrë në xhami dhe menjëhere jam nis për tek xhamia.
DrenicaPress: Sa është djegur xhamia?
Gazmend Hoti: Damet në xhami janë të konsiderushme, ngase një pjesë e pullazit dhe dysheja dhe tapeti jane djegur, disa dritare jane te thyera si në xhami gjithashtu edhe tek lokali përcjells i xhamisë. Gjithashtu dyret e xhamise janë të demoluara dhe xhamia në tërësi është e përfshirë nga tymi dhe pjesrishtë nga flaka.
DrenicaPress: Keni kalkuluar ndonjë shifër të dëmeve materiale?
Gazmend Hoti: Xhamia është dëmtuar shumë. Dëmet materiale sillen diku prej 30- 40 mije euro.
DrenicaPress: A e njhini personin që i ka vënë zjarrin xhamisë?
Gazmend Hoti: Personi i cili ka vënë zjarrin xhamisë nuk e njoh personalisht.
DrenicaPress: Si mendoni çfarë e ka shtyrë për ta bërë një veprim të tillë?
Gazmend Hoti: Personi i cili ka vënë zjarrin xhamisë ka porbleme mendore dhe mendojë se janë të paqarta motivet e zjarrvënies.
DrenicaPress: A ju ka vizituar kush nga Komuna dhe BIK-u?
Gazmend Hoti: Në vendin e ngjarjes ka dal edhe inspektoriati i komunës, gjithashtu edhe kryetari i KBI-së në Skënderaj, Nexhmi Ef. Maksuti. Nga Prishtina në emër të BIK-ut kanë ardhë kryeimami i Kosovës, Sabri ef. Bajgora dhe Resul ef. Rexhepi.
DrenicaPress: Kur do të jetë e gatshme xhamia për xhematin e saj?
Gazmend Hoti: Kemi fillu me pastru dhe me renovu xhamin. Shpresoi që në xhuman e ardhshme xhamia me qenë gati për xhematin e saj. Njëkohësishtë shfrytëzoj rastin që t’i ftoj të gjitha ata njerëz që kanë mundësi të ndihmojnë për rinovimin e xhamisë.
Më poshtë mund t’i shihni disa fotografi pas djegis së kësaj xhamie.
Më poshtë mund t’i shihni disa fotografi nga mbrojtaj e tezës së masterit nga imami Gazmend Hoti.
