I dekretuari për kryeministër, Avdullah Hoti ka mirëpritur vendimin e Gjykatës Kushtetuese, e cila ia hap rrugën për t’u zgjedhur shef i Qeverisë së re, raporton Gazeta Blic.
Ai ka shkruar se askush nuk ka humbur nga vendimi i sotëm i instancës më të lartë gjyqësore në vend.
“Askush nuk ka humbur. Rimëkëmbja e mirëbesimit në mes nesh dhe respektimi i rendit institucional është detyrë dhe obligim yni i përbashkët”, ka shkruar ai.
Reagimi i plotë:
Si mandatar për kryeministër të Qeverisë së Kosovës, mirëpres vendimin e Gjykatës Kushtetuese. Është koha të bashkohemi për të ardhmen e vendit dhe qytetarëve tanë.
Askush nuk ka humbur. Rimëkëmbja e mirëbesimit në mes nesh dhe respektimi i rendit institucional është detyrë dhe obligim yni i përbashkët.
Bashkë me miqtë tanë strategjikë, SHBA-të dhe BE-në, do të punojmë me përkushtim për jetësimin e aspiratave tona për integrime euroatlantike.
