Komuna e Skenderajt po investon edhe në rrugët e lagjeve të Rezallës. Në këtë kuadër kanë filluar punimet në ndërtimin e rrugës në lagjen Aruqi në hyrje të fshatit Rezallë nga pjesa e Morinës.
Fillimin e punimeve në këtë projekt e ka inspektuar Nënkryetari i Komunës së Skenderajt, Fadil Nura, i shoqëruar nga drejtori i Urbanizmit në Komunën e Skenderajt, Driton Mulaj.
Nënkryetari Nura ka deklaruar se ndërtimi i kësaj rruge ka qenë kërkesë e arsyeshme e banorëve të këtueshëm dhe Komuna e Skenderajt u është përgjigjur me nisjen e punimeve në këtë segment rrugor.
Ai po ashtu ka deklaruar se Komuna po investon fuqishëm në shumë projekte të infrastrukturës anë e kënd territorit të Skenderajt, duke mirëkuptuar nevojat e qytetarëve.
