Komuna e Drenasit ka filluar punimet në ndërtimin e objektit të Qendrës së Mjekësisë Familjare në Komoran, ku do të punohet në të gjitha fazat, duke përfshirë: arkitektura, llogaria sanitare, instalimet elektrike, instalimet hidrosanitare dhe instalimet e makinerisë.
Objekti i Qendrës së Mjekësisë Familjare është projektuar si objekt përdhesë P+O me sipërfaqe 857 m2. Pjesa e Qendrës së Mjekësisë Familjare së bashku me Shërbimin e Vaksinimit, Shërbimin Emergjencën, Kabineti i Rentgenit dhe kthinat teknike janë të lidhura mes veti përmes koridorit. Ky objekt ka tri hyrje kryesore për pacientë dhe vizitorë, një hyrje sekondare për personelin e QKF-së dhe hyrjen në kthinat teknike të nxemjes qendrore.
Lokacioni i Qendrës së Mjekësisë Familjare ndodhet në parcelën e cila shtrihet në udhëkryqin e rrugëve që shpiejnë në Drejtim të Drenasit në anën veriore dhe nga ana jugore në Ferizaj/Shtime. Parcela 00201-0 ndahet në mes nga rruga e cila shkon në drejtim të mbikalimit të ri që ndodhet në udhëkryqin e Komoranit.
Kjo parcelë ka qasje në rrugë kryesore nga ana jugore dhe perëndimore.
Ky projekt pritet të përfundoj vitin e ardhshëm, meqë është projekt dy vjeqar.
