UEFA ka vendosur të eksperimentojë një model të ri për gjuajtjen e penalltive në ndeshjet që nuk zgjidhen brenda kohës së rregullt apo në shtesa.
Studimet e shumta kanë treguar se ekipi që gjuan i pari në xhirot e penalltive është më i avantazhuar psikologjikisht dhe rrjedhimisht ka më shumë shanse për të fituar.
Për t’i bërë përballjet që vendosen nga gjuajtjet e penalltive më të barabarta, në Kampionatin Evropian U-17 për femra do të testohet një rregull i ri.
Skuadra që do të gjuajë penalltinë e parë do të përcaktohet sërish me short me një monedhë që hidhet në ajër nga gjyqtari, por kjo skuadër nuk do të gjuajë e para në të 5-ta xhirot, transmeton panorama-sport.
Skuadrat do të alternohen në 5 xhirot e penalltive me njëra-tjetrën.
Xhiro 1: Skuadra A – Skuadra B
Xhiro 2: Skuadra B – Skuadra A
Xhiro 3: Skuadra A – Skuadra B
Xhiro 4: Skuadra B – Skuadra A
Xhiro 5: Skuadra A – Skuadra B
