Teksa të ftuarit dhanë agrumente të ndryshme lidhur me suksesin, apo dështimin e sezonit turistik në Shqipëri, gazetari Blendi Fevziu u shpreh i prerë lidhur me ndikimin e diasporës së Kosovës në sektorin e turizmit shqiptar.
“Shqiptarët e Kosovës kanë qenë shpëtim për turizmin shqiptar sot e 15 vjet,” tha Fevziu, duke vënë në dukje se diaspora kosovare vazhdon të jetë një faktor thelbësor në zhvillimin e këtij sektori, duke shpenzuar dhe investuar masivisht, pavarësisht disa ankesave për shpenzimet e tyre.
“Pati ankesa shqiptarët e Kosovës, jo shpenzojnë, jo nuk shpenzojnë. Shqiptarët e Kosovës kanë qenë shpëtim për turizmin shqiptar sot e 15 vjet. Shpëtim! Kush flet kundër për shqiptarët, për turizmin e shqiptarëve të Kosovës duhet t’i bëjë llogaritë mirë. Shqiptarët e Kosovës, diaspora, që vijnë dhe marrin që nga hotelet më të lira, e deri tek hotelet më të shtrenjta diaspora e Kosovës ka qenë prezente. Shpenzojnë vijnë me familje, vijnë me fëmijë, nuk pyesin kur diçka nuk shkon mirë, sepse tolerojnë. Kam takuar plot”, tha Fevziu.
