Interex – mbështetësi kryesor i artit që udhëton pa mure
Përmes mbështetjes si sponsor gjeneral, Interex ka bërë të mundur zgjerimin e festivalit në Pejë dhe Mitrovicë, duke sjellë për herë të parë opera në hapësira publike jashtë kryeqytetit dhe duke dëshmuar përkushtimin për promovimin e artit në çdo cep të Kosovës.
Prishtinë, 21 Korrik 2025 – Festivali Ndërkombëtar i Operës “Rame Lahaj” , me përkrahjen e fuqishme të Interex si sponsor gjeneral, shënon edicionin e tij të pestë me një thirrje të qartë: Kosova ka nevojë për një shtëpi të sajën të operës.
Nën moton “Ëndrra Pa Kufi, Opera Pa Mure”, është bërë simbol i vizionit artistik që shkon përtej pengesave fizike e institucionale, duke sjellë në Kosovë artistë të klasit botëror dhe duke kthyer qytetet në skena për artin operistik.
“Ndërtimi i një shtëpie opere nuk është luks, por domosdoshmëri kulturore,” deklaron tenori i njohur Rame Lahaj, themeluesi i festivalit.
Nexhmije Pagarusha, mbrëmje nderimi në Prishtinë, Pejë dhe Mitrovicë
Një nga pikat më të veçanta të këtij edicioni është koncerti-homazh për Nexhmije Pagarushën, ikonën e muzikës shqiptare.
23 Korrik – Prishtinë
24 Korrik – Pejë, në qendrën tregtare American Retail Park – Interex
25 Korrik – Mitrovicë, në parkingun e pikës Interex
Artistët pjesëmarrës:
Edona Reshitaj
A R B Ë R E S H Ë
Adhurim Grezda
Gala El Hadidi
Të shoqëruar nga Gent Rushi Group
Hyrja është pa pagesë në të gjitha lokacionet.
Opera që tejkalon kufijtë
Me pjesëmarrje nga artistë të njohur ndërkombëtarë nga SHBA, Afrika e Jugut, Turqia, Italia, Austria e shumë vende të tjera, RLIOF5 dëshmon se muzika klasike nuk njeh kufij gjeografikë apo kulturorë. Ajo i përket njerëzimit – dhe Kosova është pjesë e kësaj skene globale.
RLIOF5, me përkrahjen e Interex, nuk është vetëm një ngjarje kulturore – është një thirrje për t’i dhënë zë ëndrrës së brezave të rinj: një shtëpi e vërtetë për operën në Kosovë.
