Feronikeli po ua kontaminon nëntokën banorëve të tri fshatrave në Drenas (VIDEO)
Edhe pse është në kundërshtim me ligjet për mbrojtjen e mjedisit, Fabrika e Feronikelit në Drenas po vazhdon të hedhë skorien, grimcat e metalit në një deponi e cila nuk i përmbush kërkesat për trajtimin e këtij materiali toksik.
Deputeti i KK Drenasit, Gjavit Drenori ishte ai i cili e ka ngritur shqetësimin në ditën kur Kosova po feston ditën e Evropës.
Ai ka thënë se ky veprim i fabrikës së Feronikelit po rrezikon helmimin e ujrave nëntokësore për shkak se deponia është afër lagunës nga e cila do të ndotej uji pishëm për tri fshatra që ndodhën në afërsi.
Xhelë Hoti banor i fshatit Çikatovë e Vjetër thotë se përveq pluhurit të madh që krijohet nga skoria e hedhur, ata i shqetëson edhe zhurma kamionëve që bartin këtë materie. Sipas tij nëse nuk ndërmerren hapa për parandalimin e këtij problemi, ky material i hedhur mund të kontaminoj burimet nëntokësore të ujit të pishëm të dy fshatrave Çikatovë dhe Dobroshevc.
Lexo edheE gjitha çfarë ndodhi në sheshin e Drenasit
“Përveq pluhurit, edhe kamionat nuk po na lënë të fleme rehat natën sepse qarkullojnë vazhdimisht. Uji i cili është pak metra larg deponisë ka qënë ujë i pishëm, por tani nuk është i tille. Policia ka qënë disa here për problemin në fjale por ska pas kurfar zgjidhje”, ka thënë tutje Hoti. /FaktePlus.
