Kandidati i Partisë Demokratike të Kosovës për kryetar të Vushtrrisë, Ferit Idrizi, ka denoncuar publikisht një kërcënim të marrë pas debatit të zhvilluar sot në RTV Dukagjini me moderatoren Jeta Xharra.
Idrizi njoftoi se, së bashku me dëshmitarët e rastit, ka paraqitur menjëherë një raport në stacionin policor në Prishtinë, ndërsa institucione përkatëse po trajtojnë çështjen.
“Bashkë me dëshmitarët tjerë, sapo kemi dhënë dëshminë në stacionin e policisë në Prishtinë. Rasti është në trajtim nga institucionet përkatëse. E dënoj këtë akt dhe ju kërkoj ndjesë për shqetësimin. Gara për Vushtrrinë duhet të mbetet garë idesh dhe projektesh, jo kërcënimesh,” ka shkruar Idrizi në një postim në rrjetet sociale.
- Advertisement -
